நடிப்புக் கடவுளால் நாசமாகும் தமிழ்சினிமா -அவதாரம் எடுக்கிறார் நாசர்

தமிழ் திரையுலகில் நடிகராக மிகவும் சிரமப்பட்டு நல்ல நிலைக்கு உயர்ந்தவர்களில் தமிழுக்காக எதாவது செய்யவேண்டும், நல்ல படங்களை தரவேண்டும் என்று முனைப்புடன் இருப்பவர்களில் கமல், பிரகாஷ் ராஜ் மற்றும் மூக்கழகர் நாசர் மூவர் பாராட்டத்தக்கவர்கள். மற்றவர்கள் வியர்வைக்கு தங்ககாசை வாங்கி அதை பெங்களூர் நிறுவனத்தில் முதலீடு செய்துவிட்டு சென்னை தண்ணீர் பஞ்சத்தைப் போக்க கோகோ கோல ஏஜென்சி எடுத்து நடத்துபவர்கள். நாடகக் கலைகள் அழிந்துவருவதை அவதாரம் என்ற படத்தின் மூலம் எல்லோரின் கவனத்துக்கும் கொண்டுவந்தார். மசாலா கதைகளையும், குத்து பாட்டுகளையும் தான் பெரிய நடிகர்களே நம்பி இருக்கிறார்கள் என்று தெரிந்தும் தான் எடுத்த அவதாராம், தேவதை மற்றும் பாப்கார்ன் படங்களில் அது போன்று காம்ப்ரமைஸ் பண்ணிக் கொள்ள விரும்பியதே இல்லை. ஒரு நடிகனாக 25 ஆண்டுகளுக்கும் மேல் சினிமாவில் இருப்பவருக்கு சினிமா பார்முலா

தெரியாமல் இருக்குமா ? இவர் அதையெல்லாம் உணராதவர் அல்ல. கலைகள் கொலை செய்யப்படுவதற்கு அல்ல என்று உணர்ந்தே அதுபோன்ற கேடுகெட்ட செயல்களில் இறங்கவில்லை. வில்லனாக நடித்தாலும் சரி, குணச்சித்தர வேடம் போட்டாலும் சரி,

நகைச்சுவை

வேடமேற்றாலும் சரி தன்னுடைய வேலையை கன கச்சிதமாக முடித்து இருக்கிறார். அதனால் தான் மணிரத்னம், கமல் போன்றவர்கள் தொடர்ந்து நாசர் நடிப்புக்கு

தீனீ போட்டு வருகின்றனர் பம்பாய் படத்தில் திருநெல்வேலி பிள்ளையாக சிறப்பாக நடித்திருப்பார்,

தேவர்மகனில் ஒரிஜினல் தேவர்களுக்கு ஒரு இம்மியும் குறையாமல் அந்த படத்தில் கமலையே நடப்பில் டாமினேட் செய்தார். அவ்வை சண்முகியில் அவர் ஊமைவேசத்தில் சன்முகி மாமியுடன் அடிக்கும் கூத்து எப்பொழுது நினைத்தாலும் சிரிப்பு வரும். குருதிப் புனல் படத்தில் அவர் நடிப்பை பற்றி சொல்லவே தேவையில்லை. மேலும் சில

ஆங்கிலப் படங்கள், நிறய டாக்குமெண்ட்ரிகள், கிரிஸ்டியன் காலேஜில் நடிப்புக்

கலை ஆசிரியர், நாடக் பட்டரைகள் நடத்தி இன்னும் பல நல்ல கலைஞர்களை

உறுவாக்கும் சிற்பிஎன இருப்பவருக்கு பாக்ஸ் ஆபீஸை பணத்தால்

நிரப்ப வேண்டும் என்ற கேனத்தனமான ஆவல் இல்லாத காரணத்தினால் நாசர் போன்றவர்களின் நல்ல படைப்புக்கள்

அவதாரங்கள் ஆகாமல் போகின்றன. இதுபோன்ற கலைஞர்கள் வாய்திறந்து

எது

வும் பேசிவிட முடியாது என்பதாக இந்த தமிழ் சினிமாவை வைத்திருப்பதுதான் பாக்ஸ் ஆபீஸ் கடவுள்களின்

வேலை கலைகள் பொதுமக்களுக்குத்தான் ஆனால் கலைஞனுக்கு கலை என்பது சோறு போடுவது.

எனவே அந்த கலையை எவன் போற்றி வளர்கிறானோ அவனே உண்மையான கலைஞன். சூப்பர் ஸ்டார் என்று சொல்லிக் கொண்டு இளைஞர்களை திசைத்திருப்பியதற்கு சினிமாவை பயன்படுத்திக் கொண்டு குதிரை வியாபாரம் செய்யும் நடிகர்களினால் சினிமா உலகம் அழிவை நோக்கிப் போய்கொண்டிருப்பதை நாம் பார்த்து விமர்சனம் செய்வதை

விட நாசர் போன்றவர்கள் அது குறித்து சொன்னால் அது 100 விழுக்காடு உண்மையாகத்தான் இருக்கும். தங்கர்பச்சானின் பள்ளிக்கூடமும் சிவாஜி ஓவர் பில்டப்பால் ஜூலை ஆகியும் இன்னும் மணி அடித்து திறக்கப்படாமல் இருக்கிறது என்பதையும் நினைத்துப் பார்க்கையில் நாசர் சொல்வது ஏற்றுக்கொள்ளும் வகையில்

தான் உள்ளது . இதை ஏன் நாசர் இங்கே சொல்லாமல் அமெரிக்கா போய் சொல்ல வேண்டும் என்பவர்களுக்கு :

ஏன் பிரபலங்கள் ஒரே மேடையில் கருத்துப் ப்ரச்சினைகளை வெளிப்படுத்திக் கொள்ள முடிவதில்லை?
அங்கும் இங்குமாக தன்னுடைய மன ஆதங்கங்களை சிறிது சிறிதாக வெளிப்படுத்துவதின் மூலமாக என்ன சொல்ல வருகிறார்கள்? ஆளை விடுப்பா உன் வெளிச்சத் திரையில இருந்துன்னுதானே பொருள்...
பெரிய சிங்கங்களாக கர்ஜித்துக் கொண்டிருக்கும் நட்சத்திரங்களுக்கிடையில் இது போன்று ஒரு ஒரத்தில் நின்று மாஸ் சந்தைக்கு ஒவ்வாத விசயத்தை சொல்லி, ஒரு கழகமாக இயங்கிக் கொண்டிருக்கும் அது போன்ற சினிமா சிங்கங்களின் அதிருப்தியை சம்பாதித்துக் கொண்டால் தனக்கு பூவாவிற்கே லாட்டரி அடிக்கும் நிலைக்கு தள்ளப்படாலாமில்லையா?
அதனால் தானோ, சபையறிந்து தனது ஆதங்கத்தை வெளிப்படுத்தக் கூடிய நிர்பந்தத்தில் இருக்கிறார்கள்.

மேலும்...

1).ஒரு படத்தால் 3 மாதம் பீதி : "சிவாஜி' குறித்து நாசர்

2).சற்றுமுன்னில் நடந்த விவாதம்