ஞாநியின் பித்தலாட்டம்.

மீண்டும் கரடி பொம்மை ஞானியின் பித்தலாட்டம்.

கண்ணகி சிலை விவகாரத்தில் கடும் எதிர்ப்புகளை சந்தித்த பத்திரிகையாளர் ஞாநி இப்போது அதே ஓ..பக்கங்களில் ஒரு கருத்தை சொல்லியிருக்கிறார். புதுமையான விழிப்புணர்வுகள் சார்ந்த கருத்துக்கள் சொல்லுவதாக தனக்குத்தானே ஜல்லியடித்துக் கொள்ளும் ஞாநி தனது புதிதாக வைத்திருக்கும் கருத்து மூலம் தான் ஒன்றும் இயற்கை விதிகளுக்கு அப்பாற்பட்டவன் இல்லை என்ற தனது சுய முகத்தை சொல்லியிருக்கிறார். கருத்து சொல்ல யாருக்கும் உரிமை உண்டு என்பதில் எனக்கு மாற்று எண்ணமில்லை. ஆனால் தான் சொல்லுவது மிகச் சரியானவை எனச் சொல்லும் ஞாநி இந்த விவகாரத்தில சுமார் 100 நாட்களுக்குள் தனது கருத்து இப்படி மாறிப் போனதற்கான காரணம் எதையும் சொல்ல வில்லை. கீழே இருப்பது அவரின் இந்த வார விகடன் ஓ.. பக்கங்களில் எழுதியது.

"சிலைகள் வைப்பது அவசியம்தானா?’’

‘‘வீட்டுக்குள் அப்பா, அம்மா போட்டோவை மாட்டிவைப்பது போல, நாட்டுக்கு உழைத்தவர்களுக்கு சிலை வைப்பதும் அவசியமானதுதான். இது ஒரு நினைவுகூரல். ஆனால், சிலைகளுக்கு மாலை மரியாதையெல்லாம் செய்து, அதை வழிபாடாக மாற்றுவதுதான் தேவையற்றது. முக்கியமான முன்னோடிகளை நினைவுகூர மட்டும் சிலைகள் தேவை என்று இல்லை. மக்களிடம் நல்ல கலை உணர்வை, அழகு உணர்வை ஏற்படுத்த அழகான சிற்பங்கள் எல்லாப் பொது இடங்களிலும் தேவை. தாசில்தார் அலுவலக வராந்தாவில் ரோடினின் சிந்திக்கும் மனிதனின் சிற்பத்தை வைத்தால் எவ்வளவு நன்றாக இருக்கும்! ஐரோப்பா முழுவதும் தலைவர்களுக்கு மட்டுமல் லாமல், பொதுவான கலைச் சிற்பங்கள் தெருவுக்குத் தெரு வைக்கப்பட்டு இருக்கின்றன. அப்படிப்பட்ட சூழல் இங்கேயும் தேவைப்படுகிறது.
நமக்கு அது போல நல்ல சிலைகள் வைக்கத் தெரியாமல் இருப்பதால்தான், சிலைகள் மீது வெறுப்பு உருவாகிறது!’’

இனி எனது கருத்துக்கள்:

ஐரோப்பியர்களின் சிலை ஆர்வம் என்பது போலவே இந்தியர்களும் சிலை ஆர்வமும் கலை ஆர்வமும் கொண்டவர்கள் என்பது தெரியாதவரல்ல ஞாநி. அவர்களின் கலாச்சாரம் சாந்த கலை சார்ந்த சிலைகள் வைப்பதை ஆதரிக்கும் இவர் கண்ணகி சிலை வைக்க அத்தனை கடினமான வார்த்தை பிரயோகங்களோடு அதனை விமர்சித்தது ஏன்.?

தமிழர்களை பொறுத்த வரை கலாச்சாரமும் வாழ்கையும் கலையும் வேறு வேறு அல்ல. கண்ணகி வெறும் உறுவக் குறியீடு என முழங்கியவர் இப்போது ரோடினின் சிலையை கோவை தாசில்தார் அலுவலக வாசலில் வைக்கச் சொல்லவேண்டிய அவசியம் என்ன.

ஐரோப்பியர்களுக்கு ரோடின் எப்படியொ அதே போல தமிழர்களுக்கு கண்ணகியும், பெரியாரும். காமராசரும். கண்ணகி வெறும் காப்பியத்தலைவி மட்டுமல்ல், அது ஒரு கலாசாரத்தின் சின்னமாக அனேகம்பேரால் கருதப் படுகிறது. கற்பு குறித்த சர்சைகள் ஆயிரம் இருப்பினும் கண்ணகி கால வாழியல் முறைகள் தமிழருக்கு அறியக்கிடைக்க காரணம், சிலப்பதிகாரம். சிலப்பதிகாரம் என்றதும் நம் நின்ணைவுக்கு வருவது கண்ணகி.

அதுபோல திராவிடர்கள் மத்தியில் தனது கருத்துக்களால் விழிப்புணர்வுகளை ஊட்டிய, பெரியாரும், உலக மக்கள அனைவருக்கும் பொதுவான கருத்துக்களை எல்லோறாலும் ஏற்றுக்கொள்ளக்கூடிய சொன்ன வள்ளுவரும்.

கலாச்சாரமும் கலையும் வேறுவேறாக இருக்கும் ஐரோப்பிய, மேலை நாடுகளுக்கு வேன்டுமானால் ஞாநி சொன்னது சரியாக இருக்கும், நாம் கடவுள்களின் சிலையையைக் கூட கலைவண்ணத்துடன் தான் படைக்கிறோம், கலையும், கலாச்சாரமும் பின்னிப் பினைந்தது தான் தமிழகம்.

கலைக்கு சிலைவைத்தால் அது கலாச்சார சிலையே, சிலைகளை வழிபாட்டுக்கு உரியதாக ஆக்குவதை கண்டிக்கும், ஞாநி எல்லா சிலைகளுமா வழிபடப் படுகின்றன, தமிழன் தனக்கு வாழ்கையில் உதவுவதாக கருதும் எல்லாவற்றின் மேலும் அன்பு செலுத்துபவன். அதை பூசிப்பவன் , ஆத்திகர்கள் சாமிகும்பிடுவது போல.

அவர்கள் இல்லாத கடவுளை வணங்குகிறார்கள், இவர்கள் ரத்தமும் சதையுமாக தனது வாழ்க்கையை மக்களுக்காக அவர்களின் முன்னேற்றத்துக்காக பாடுபட்டவர்களை வணங்குகிறார்கள். இது கூட தனக்கு இருக்கும் அன்பை வெளிப்படுத்தும் ஒரு சின்னமே மாலைகள், வணங்குதல். எல்லாம், ஐரோபியர்கள், வழியில் பார்த்தால் ஹாய் சொல்லிப் போவதில்லை, அதுபோல.

அவர்களும் அங்கே சிலைகளுக்கு முத்தம் தருவது கட்டிப் பிடிப்பது என செய்கிறார்க்ளே அதை சரியென்று ஞாநி ஒத்துக் கொண்டால் இங்கே சிலைகளுக்கு மரியாதை தருவதையும் ஒத்துக்கொள்ள வேண்டும். முத்தம் கொடுப்பது அவர்கள் பழக்கம் மாலை போடுவது நமது பழக்கம் அவ்வளவுதான்.

பொங்கல் கொண்டாடும் போது மாடுகளை வணங்குபவன் தமிழன் அது அவன் அதன்மேல் கொண்ட அன்பின், அது செய்த உதவிகளுக்கு, நன்றி தெரிவிக்கும் வெளிப்பாடு. அதைப்போலவே சிலைகளும் அதை வணங்குவதும் வெறும் கலைகளுக்கு மட்டும் இல்லை தமிழர்களின் சிலை ஆர்வம் அது வெறும் சிலை அல்ல கலாச்சாரத்தின் சின்னம் அதை தமிழன் தனக்குகந்த முறையில் தனது அன்பை மரியாதையை வெளிப்படுத்த கடமையும் உரிமையும் உண்டு.

கல்லாக மட்டும் இருக்கும் கடவுளுக்கு பூசை வேண்டுமென்றால் மனிதர்களாய் இருந்த தலைவர்களுக்கு சிலையும் பூசையும் வேண்டும்.

ஞானிகள் தான் சொல்லுவது மட்டுமே சரியென்று எண்ணுவதில்லை அப்படி நம்பினால் அவர்கள் ஞானி இல்லை.