ரஜினி ரசிகர்களுக்கு வேலை (கவனிக்க மூளை இல்லை) இருக்கிறதா?

இந்த பதிவு எழுதுவதற்கு முன்னாலேயே பலரும் சூப்பர் ஸ்டாரை சூப்புற ஸ்டாராக எண்ணி கிழித்து கடித்துக் குதறி போட்டிருக்கும் வேளை சிவாஜி திரைப்படம் வெளியாகிறது. பத்தாண்டு காலமாய் கடைசிப் படம் கடைசிப் படம் எனச் சொல்லி ரசிக கண்மணியின் பாக்கட்டை காலி செய்து பக்கெட் பக்கெட்டாய் பாக்கெட் பாலாபிசேகம் செய்யப் படும் ரஜினி குறித்தல்ல இந்த பதிவு. ஆனால் எங்கள் தலைவனைப் பற்றி எழுத உனக்கு என்ன அருகதை இருக்கு பிரியாணி குஞ்சே என ஏகவசனத்தில் விளித்தபடி பின்னூட்டம் போடும் ரசிகனாய் இருந்தால் இப் பதிவு உங்களுக்கு சமர்ப்பணம்.

எந்த படத்துக்கும் இல்லாத எதிர் பார்ப்பு இந்தப் படத்துக்கு இருக்கிறது இருக்கிரது எனச் சொல்லியே இருபது வருடமாய் வந்த மாயை பாபா எனும் பஞ்சரால் ஊத்திக் கொண்டது. பஞ்சரான பாபாவை பாமக தூக்கியதால் படுத்துவிட்டதாக ரசிக சீக்காளிகள் இன்னும் ஒப்பாறி வைத்தப்படி இருக்கும் நிலையில் சிவாஜிக்கு ஏவிஎம்மை விட ஊடகங்களின் விளம்பரம் சுனாமியையே ஏற்படுத்திவிட்டு இருக்கிறது. ரஜினி வெளிக்குப் போனால் கூட வின்வெளிக்கு போனது போல் பில்டப் கொடுக்கும் விசிலடிச்சான் குஞ்சுகளை என்ன செய்ய ?

பேரனோடு கொஞ்சினால் முதல் பக்கம் மருகனோடு பேசினால் கவ்ர்ஸ்டோரி என அந்த படம் பூஜை போட்டு பொட்டியை தூக்கியது முதல் பொட்டியை திறந்து திரைக்கு வரும் வரை எல்லாவற்றையும் செய்தியாக்கியது.

அவர்களே எடுத்த புகைப் படங்களை இணையத்தில் வெளியிட்டு அலப்பரை செய்து ஏற்கனெவே எல்லா சுரனைகளையும் தொலைத்த ரசிக குஞ்சுகளுக்கு வயோரிஸம் என்னவென்று சொல்லித் தர ஆரம்பித்த படம் சிவாஜி. பாடல்களை இணையத்தில் வெளியிட்டு உலக வரலாற்றிலேயே திருட்டு

ஆடியோ ரிலீஸ் பெருமை பெற்றது.

ஆனால் இந்த செய்திகள் எல்லாம் பெற்ற அளவுக்கு கூட அந்த படத்தின் தொழில் நுட்ப கலைஞர் ஒருவர் மர்ம மரணம் நிகழ்ந்தது குறித்து கவலை கொண்டதாக தெரிய வில்லை.

ஆரம்ப காலம் தொட்டே அபத்தக் களஞ்சியத்தின் மொத்த உருவமாய் வலம் வந்த ரஜினியின் ரசிகர்கள் அடிக்கும் கூத்துக்கு எந்த ரசிகனும் ஈடாக முடியாது. பாபா பனியன் சிவாஜி கண்ணாடி ரஜினி 25 க்கு ப்ராண்டட் ப்ராடக்டுகள் என வியாபார பட்டையை கிளப்பி ரசிகன் வயிற்றில் பாலை வார்த்த சூப்பர் ஸ்டார்ருக்கு ரசிகன் தரும் பரிசு பல கோடிகளில் வெற்றி. வசூல் சாதனைகள், வயிற்றில் ஈரத் துண்டு.

தூத்துக் குடியில் பிரம்மாண்ட டிஜிட்டல் பேனர்கள், 250 பிட் போஸ்டர் குதிரை வண்டியில் படப் பெட்டி வர ஏற்பாடு முதல் டிக்கட்டுக்கு மோதிரம் கடைசி டிக்கட்டுக்கு கோவணம்.

25ம் நாளில் விழா 50ல் விழா 100ல் விழா இப்பொழுதே ஆரம்பித்து விட்டது ஆட்டம். அதை நோக்கி இருக்கிறது கடைந்லை ரசிகணின் ஓட்டம் காலை உணவுக்கும் காப்பி டீக்கும் காசிருக்கோ இல்லையோ நாளை காலைக் காட்ட்சிக்கு டிக்கட் கிடைத்தால் கொட்டாம் பட்டியின் கூறைக் கொட்டாயில் கூட கூட்டத் தோடு படம் பார்க்க ரெடி கோடி ரூபாய் கொடுப்பேன் எனச் சொல்லும் ரசிக வெறியனை என்ன செய்ய?

கிட்னியை விற்று கிரிக்கெட் பார்ப்பவனுக்கும், அம்மாவுக்காக தீக்குளிப்பவனுக்கும் அழகிரிக்காக வன்முறை செய்பவனுக்கும் என்ன வித்தியாசம்?

பாபா படம் ஊத்திக் கொண்டதால் நஷ்டப் பட்ட கோடீஸ்வர பட முதலைகளுக்கு கோடிக் கணக்கில் தூக்கிக் கொடுத்து அவர்களின் பஞ்சம் போக்கிய ரஜினி என்றாவது தன்னை இந்த நிலைக்கு உயர்த்திய கடைசி பெஞ்ச் ரசிகனின் காயங்களுக்கு ஒத்தடமாய் இருந்த துண்டா?

காவிரியில் இரட்டை வேடம் கண்ணசைத்தால் கட்சி ரெடி என கோவன ஆண்டிகளை கோவனத்துடனே வைத்திருக்க ரஜினி எப்போதோ தயாராகிவிடார் ஆனால் பாவம் அது தெரியா ரசிகன் தமிழகத்தில் எதிர்காலம் இன்னும் தங்கள் தங்கத் தலைவன் கையில் இருப்பதாக பகலில் மல்லாக்கப் படுத்து மனசுக்குள் குட்டி ராசாங்கமே நடத்துகிறான்.

தமிழ் சரியாக பேசக் கூடத் தெரியாத ரஜினியின் முகத்தை ரூபாய் நோட்டில் அச்சடித்து இந்திய இறையான்மையின் முகத்தில் உச்சகட்ட சாணியும் அடித்து வைத்திருக்கிரார்கள் திருச்சி ரசிகர்கள்.

மண்சோறு சாப்பிட்டு மொட்டையடித்து வேண்டுதலுக்கு தயாராகிறான் ரசிகன் . வெட்டவேண்டியது தான் பாக்கி

அடுத்த நாள் காட்சியிலாவது ரஜினிகாந்த் முகத்தில் சில்லரைக் காசுகளை வீசி திரை அதிர வைக்க துட்டுக்களை எண்ணிக் கொண்டிருக்கும் ரசிகனுக்கு இன்னும் போகவேண்டிய தூரம் அதிகம் இருபது தெரியவில்லை. கண்ணில் மின்னும் கனவுகளோடு காந்த் நடிகர்களின் கட் அவுட் களுக்கு கஞ்சி குடித்துவிட்டு மலர்மாலை போட்டு மகிழ்ச்சிப் படுத்துகிறான் ரசிகன். கூட்டம் முண்டியடித்து உள்ளே போகும் முன் தானும் உள்ளே போகும் ஆவலில் எட்டிப் போடுகிறான் நடை.

அந்த ரசிகனிடம் சொல்லுங்கள் போகும் போது சட்டையோடு போகச் சொல்லி. இல்லாவிட்டால் கிழித்துக் கொள்ள எதுவும் இருக்காது.

மேலும் படிக்க...

தன்மானமும் ரஜினி ரசிகனும்

சிவாஜி திரைப்படத்தை புறக்கணிப்போம்

சிவாஜிக்கு மண்சோறு

தலைவர் தரிசணம்

இது சரியா ரஜினி காந்தி